Tweet
 

ContactMe

Sunday, April 23, 2017

ராஜதந்திரம் இல்லாத ராஜா மகன்: சும்மா அதிருது ஸ்டாலினின் வாக்குமூலம்

0 comments
 அரசியல் என்பது திட்டமிட்டு செயல்பட வேண்டிய ஒரு களம். அந்த திட்டம் என்பது மக்கள் நலன் சார்ந்தும் நாட்டின் வளம் சார்ந்தும் இருக்க வேண்டும் என்பது பொது விதி. ஆனால் இன்றைய அரசியல் சூழல் அப்படி இருக்கிறதா என்றால் இல்லை என்ற பதில் ஏகோபித்த குரலில் ஒலிப்பதை நாம் கேட்க முடிகிறது. தமிழகத்துக்கு இது போதாத காலாமோ என்னவோ தெரியவில்லை. சமீபகாலமாக நடக்கும் பல்வேறு தொடர் போராட்டங்களும் உண்ணாவிரதங்களுக்கும் இடையில் ஆளும் தரப்பினர் உட்கட்சி பூசலால் பிளவுபட்டிருப்பதோடு, எந்த ஒரு மக்கள் பணியையும் முறையாக செய்யாமல் ஆட்சியையும் பதவியையும் காப்பாற்றிக் கொள்வதிலேயே அதிக கவனம் செலுத்தி வருகின்றனர். 

மேலும் படிக்க..
Read more...

Monday, April 17, 2017

சகிகலா புஷ்பாவின் புதிய சடுகுடு: நகைச்சுவையாகும் தமிழக முதல்வர் நாற்காலி

0 comments

சகிகலா புஷ்பாவின் புதிய சடுகுடு: நகைச்சுவையாகும் தமிழக முதல்வர் நாற்காலி


https://goo.gl/YRr6ys
Read more...

Tuesday, February 21, 2017

புலிக்குப் பிறந்தது பூனையாகலாமோ..? மு.க.ஸ்டாலின் இனி என்ன செய்ய வேண்டும்!

0 comments
தமிழக அரசியலின் பரபரப்பான சூழ்நிலையில் பிரதான எதிர்க்கட்சியாக இருக்கும் திமுக என்னென்ன செய்ய வேண்டும் என்று அரசியல் நோக்கர்களின் பார்வை குறித்து இங்கே சில விசயங்களை முன்வைக்க விரும்புகிறேன்.
அரசியல் என்றாலே கால சூழலுக்கு ஏற்ப காய்நகர்த்துதல் என்பதுதான். அந்த பணியை மிகவும் நூதனமாகவும் நுணுக்கமாகவும் முன்னாள் தலைவர்கள் செய்து வந்திருக்கிறார்கள் என்றால் அது மிகையாகாது.
அதாவது ராஜதந்திரத்தோடு செயல்பட்டு மக்கள் மத்தியில் நன்மதிப்பு பெறுவதோடு ஆட்சியை, அரசியல் அதிகாரத்தை கைப்பற்றுதல் அல்லது தக்க வைத்துக் கொள்ளுதல். அந்த வகையில் இன்றைய அதிமுக அரசின் ஏகோபித்த தலைவராக இருந்த, மக்களின் முதல்வர் என்று புகழப்பட்ட முன்னாள் முதல்வர் ஜெயலலிதாவின் மரணத்திற்கு பிறகு அந்த கட்சியில் உட்பூசல் ஏற்பட்ட நிலையிலும் சரியான காய்நகர்த்துதல் மூலம் ஆட்சி அதிகாரத்தையும் கட்சிப் பதவியையும் கைப்பற்றுவதில் சசிகலா சரியான ராஜதந்திரியாகவே செயல்பட்டுள்ளார் என்றே சொல்ல வேண்டும்.
மக்களின் வரவேற்பு வாக்காளர்களின் விருப்பம் என்பதையெல்லாம் தாண்டி அவர் தனக்கான இடத்தையும் ஆதரவையும் தேடிக் கொண்டிருப்பது அவரின் ராஜதந்திரத்தை எடுத்துக் காட்டுகிறது. அதில் என்ன நீதி இருக்கிறது எங்கு அநீதி இழைக்கப்பட்டுள்ளது, வென்றிருப்பது பணநாயகமா, ஜனநாயகமா என்றெல்லாம் நாம் இப்போது உள்ளே சென்று ஆராய வேண்டியதில்லை. ஒரு வழக்கில்  நீதி நிலைநாட்டப்பட்டு அவர் பெங்களூர் சிறையில் உள்ளார் என்பது வேறு கதை. ஆனால் ஒரு அரசியல் சூத்திரதாரியாய், மாபெரும் தலைவரின் இடத்தை எப்படி கைப்பற்ற வேண்டும் என்ற தந்திரத்தை தெரிந்து வைத்து அதன் போக்கில் வென்று இருக்கிறார்.  
இந்த வெற்றி நிலையானதா,.. அல்லது தற்காலிகமானதா என்றும் நாம் பார்க்க வேண்டியதில்லை. அவரின் காய்நகர்த்தலின் முதல் வெற்றி இது என்றே பார்க்க வேண்டும். சசிகலா என்பவர் யார்?, குரலை கூட நாம் கேட்டதில்லை அவருக்கு அரசியலில் என்ன தெரியும் என்று கேள்வி கேட்டுக் கொண்டிருப்பவர்களுக்கெல்லாம் இது முதல் சவுக்கடி அல்லவா! சரி இப்போது நான் ஏன் சசிக்கலாவை புகழ்கிறேன் என்று நீங்கள் கேட்பது புரிகிறது. அது ஒரு பக்கம் இருக்கட்டும்..  
33 ஆண்டுகள் ஜெயலலிதாவுடன் இருந்த ஒருவரின் அரசியல் காய்நகர்த்துதல் இத்தனை தெளிவாக இருக்கிறது என்றால் அரை நூற்றாண்டுகள் தமிழகத்தில் அரசியலில் இருக்கும் மிகப்பெரிய தலைவரான கருணாநிதியின் அரசியல் வாரிசான மு.க.ஸ்டாலின் எந்த அளவுக்கு ராஜதந்திரியாக இருந்திருக்க வேண்டும்!
தற்போதைய அரசியல் சூழ்நிலையில் திமுகவின் செயல் தலைவராக இருக்கும் அவர் எந்த மாதிரியான காய்நகர்த்துதலை முன்னெடுத்திருக்கலாம். அல்லது குறைந்த பட்சம்  அவரது செயல்பாடுகள் எப்படியெல்லாம் இருந்திருக்க வேண்டும் என்று அரசியல் நோக்கர்களின் பார்வையில் சில கருத்துக்கள் முன்வைக்கப்படுகிறது.
1. தமிழகத்தின் முன்னணி அரசியல் தலைவரான ஜெயலலிதா முதல்வராக இருந்தபோது உடல் நலக்குறைவால் மருத்துவமனையில் அனுமதிக்கப்பட்டு 75 நாட்கள் சிகிச்சை பெற்று வந்த நிலையில் சக அரசியல் தலைவராக முதல்வரின் உடல் நலம் குறித்த வெள்ளையறிக்கை வெளியிட வேண்டும் என்று அவர் தமிழக அரசை வலியுறுத்தியிருக்க வேண்டும். 
2 முன்னாள் முதல்வர் ஜெயலலிதா மரணத்தில் மர்மம் இருப்பதாக பலதரப்பில் சந்தேகங்கள் எழுப்பப்பட்ட போது ஒரு எதிர்கட்சித் தலைவராக தன் நிலைப்பட்டை அவர் வெளிப்படுத்தி இருக்க வேண்டும். அல்லது ஒரு சக அரசியல் தலைவர் என்ற முறையில், ஜெயலலிதாவின் மரணம் குறித்து, தமிழக அரசு அளித்த விளக்கத்தின் நிறைகுறைகளை மக்களிடம் பேசியிருக்க வேண்டும். 
3. திமுகவின் இளைஞர் அணியும், மாணவர்கள் அணியும் நடத்தாத போராட்டமோ புரட்சியோ இல்லை என்ற வரலாற்று பக்கங்களை மு.க. ஸ்டாலின் நினைவில் கொள்ள வேண்டும். தமிழகத்தில் ஜல்லிக்கட்டு விவகாரத்தில் மாணவர்களின் தன்னெழுச்சிப் போராட்டமாக பார்க்கப்படும் மெரினா புரட்சி குறித்து ஆளுங்கட்சியின் செயல்பாடுகளில் இருந்த குறைகளை வலுவாக விமர்சித்திருக்க வேண்டும். 
4. தமிழகத்தில் அதிமுக இண்டாவது முறையாக ஆட்சிப் பொறுப்பேற்று 9 மாதங்கள் கடந்து விட்ட சூழலில் இதுவரை அரசின் செயல்பாடுகள் முற்றிலும் கேள்விக்குறியாகவே உள்ளன என்பது தெரிந்தும் நிறைவேற்றப்படாமல் உள்ள மக்கள் பிரச்னைகள் குறித்து ஸ்திரமான எதிர்கட்சியாக திமுக இதுவரை எந்த போராட்டத்தையும் முன்னெடுக்காமல் இருப்பது மக்கள் மத்தியில் அதிருப்தியை ஏற்படுத்தியுள்ளது. 
5. அதிமுக தேர்தல் அறிக்கையில் சொல்லப்பட்ட எந்த வாக்குறுதியும் இதுவரை நிறைவேற்றப்படவில்லை. தேர்தலுக்கு முன்பு டாஸ்மாக் ஒழிப்புக்கு குரல் கொடுத்த எதிர்கட்சிகள் இன்று ஊமைகளாகிப் போயிருப்பதும், மக்களின் வாழ்வாதார பிரச்னைக்காக எதிர்கட்சியாக குரல் கொடுக்க வேண்டிய இடத்தில் இருந்தும் அதை முறையாக செய்யாமல் திமுக இருப்பதும் வருத்தத்தை அளிக்கிறது. 
6. ஜெயலலிதா மறைவுக்குப் பின் அதிமுகவில் ஏற்பட்ட உட்கட்சி பூசலில் தலையிட திமுகவுக்கு உரிமை இல்லை என்றாலும் மக்கள் விரும்பாத ஒருவரை முதல்வராக ஆக விடாமல் தடுக்கும் நடவடிக்கையில் திமுக இறங்கி இருக்குமேயானால் ஸ்டாலினுக்கு ஏகோபித்த வரவேற்பு கிடைத்திருக்க வாய்ப்பு உண்டு.
7. எதிர்க் கட்சி தலைவரான மு.க.ஸ்டாலினுக்கு சசிகலா மீது தனிப்பட்ட கருத்து எதுவாக இருப்பினும், மனித நேய மக்கள் கட்சியைச் சேர்ந்த தமீம் அன்சாரி மக்கள் கருத்து கேட்க தன் அலுவலகத்தில் வாக்கு சேகரிப்பு பெட்டி வைத்தது போல் திமுக தமிழகம் முழுவதும் ஒரு வாக்குச் சேகரிப்புப் பெட்டி வைத்து மக்களின் கருத்தை ஆளுநரிடம் பதிவு செய்திருக்கலாம். நிச்சயமாக அது  திமுகவுக்கு நல்ல பெயரை பெற்றுத் தந்திருக்கும். 
8. சட்டப் பேரவையில் பெரும்பான்மை நிரூபிக்கும் கூட்டத்தின் போது திமுகவுக்கு இழைக்கப்பட்ட அநீதிக்கு நியாயம் கேட்க அமைதியான உள்ளிருப்பு போராட்டம் நடத்தியிருக்கலாம். 
9. ஒவ்வொரு முறை சட்டப்பேரவை கூட்டத்தின் போதும் திமுக ஒன்று வெளிநடப்பு செய்கிறது. அல்லது வெளியேற்றப்படுகிறார்கள் என்ற நிலையை மாற்றி ஒட்டு மொத்த மக்களையும் ஊடகத்தையும் தங்கள் பக்கம் திருப்புகிற வகையில் ஒரு வித்தியாசமான போராட்டத்தை முன்னெடுத்திருக்கலாம். 
10. அனுமதி பெறாமல் உண்ணாவிரதம், போராட்டம், ஊர்வலம், முற்றுகையிடுதல் போன்ற பழைய போராட்ட நடவடிக்கைகள் எல்லாம் ஒரு சம்பிரதாயமாகவே போய்விடும் என்பதை திமுக செயல் தலைவர் மு.க.ஸ்டாலின் அறியாததல்ல. எனவே திமுக ஒரு வலுவான எதிர்க்கட்சியாக இருக்க கூடிய இந்த நிலையில் தமிழகத்தின் தற்போதைய சூழ்நிலையை கருத்தில் கொண்டு மு.க.ஸ்டாலின் இனி என்ன செய்யப் போகிறார் என்ற கேள்வி எழுந்துள்ளது. 
Read more...

திசை மாறுகிறது "தீபா" புயல்?

0 comments
தமிழக அரசியலில் கடந்த டிசம்பர் மாதம் அடிக்க தொடங்கிய புயல் ஒரு புரட்டு புரட்டி அடித்து இப்போதுதான் சற்று ஓய்ந்திருக்கிறது என்றே சொல்ல வேண்டும்.
முன்னாள் முதல்வர் ஜெயலலிதா மரணச் செய்தியில் தொடங்கி பல்வேறு காட்சிகள் தினமும் நம்மை விறுவிறுப்பாக கண்காணிக்க செய்தது. அடுத்து என்ன, அடுத்து என்ன என்று நாள்தோறும் நாடே உற்று நோக்கிக் கொண்டிருந்த வேளையில் தான் ஜெயலலிதாவின் அண்ணன் மகள் தீபா, தமிழக அரசியலை புரட்டிப் போடப் போகும் இன்னொரு புயலாக கிளம்புவார் என்று பேசப்பட்டது.
ஜெயலலிதாவின் அபிமானிகள், ஆதரவாளர்கள் எல்லோம் அவரை இன்னொரு ஜெயலலிதாவாகவே பார்க்கத் தொடங்கினர். தினம் தோறும் அவர் வீட்டு முன் ஆயிரக்கணக்கான தொண்டர்கள் வந்து குவிந்ததோடு அவரை அரசியலுக்கு வருமாறும் அதிமுகவின் தலைமையை ஏற்கவேண்டும் என்றும் ஆரவார குரல் எழுப்பினர். அதுமட்டும் இன்றி மாநிலம் முழவதும் வரவேற்பு பதாகைகளும், தொண்டர்களின் ஆரவாரமும் நாளுக்கு நாள் அதிகரிக்கத் தொடங்கியது.
இந்நிலையில்தான் எதிர்பாராமல் வந்த ஜல்லிக்கட்டு தன்னெழுச்சிப் போராட்டம் தீபா புயலை முடக்கிப் போட்டது. என்றாலும் ஜல்லிக்கட்டு போராட்டத்திற்கு பின் மீண்டும் மையம் கொள்ளத் தொடங்கிய தீபா புயல் மெல்ல தீவிரம் அடையும் நேரத்தில் அரசியலில் புதிய சூறாவளியாக புறப்பட்டதுதான் பன்னீர் செல்வத்தின் அதிரடி முடிவுகள்.
அதிமுகவில் சசிகலாவின் தலைமையை ஏற்க முடியாமல் திடீர் என ஞானோதயம் தோன்ற ஜெயலலிதாவின் நினைவிடத்தில் வந்து தியானம் செய்த அவர் அம்மாவின் ஆன்மா உந்தியதால் வெகுண்டு எழுந்ததாகவும் மனசாட்சியோடு ஒரு யுத்தம் நடத்தியப் பின் இறுதியில் இங்கு வந்து பேசுகிறேன் என்றும் செய்தியாளர்களுக்கு பேட்டிக் கொடுத்து தமிழகத்தின் கடைக்கோடி மனிதனையும் திரும்பிப் பார்க்க வைத்தார்.

இந்த அதிர்வலையில் செய்வது அறியாமல் சசிகலா அணியை விட அதிகம் திணறியது, தீபாவின் அரசியல் கனவுதான் என்று சொல்ல வேண்டும். வெவ்வேறு திசையில் புறப்பட்ட இரண்டு புயல் சின்னங்கள் ஒரே இடத்தில் மையம் கொள்வது போல தீபா, ஓ. பன்னீர் செல்வத்துடன் இணைந்து செயல்படுவது என்று முடிவெடுத்தார்.
இதில் அவரின் ஆதரவாளர்கள் பலருக்கும் அதிருப்திதான் என்றாலும் வேறு வழியிலாமல் அப்போதைய சூழலுக்கு அதை செய்ய வேண்டியதாகியது. அந்த முடிவுக்குப் பின் சசிகலாவின் சிறைவாசம், கூவத்தூரில் எம்.எல்.ஏக்கள் சிறைவைப்பு, போன்ற சம்பவங்கள் எல்லாம் தங்களுக்கு சாதகமாக மாறும் என்றே அவர்கள் எண்ணினர். ஆனால்  சசிகலா அணியை அவர்களால் வீழ்த்தக் கூடிய அளவுக்கு வலிமையையும் ஆதரவும் அவர்கள் தரப்பில் இல்லை என்பதால் சட்டப் பேரவை பெரும்பான்மை நிகழ்வில் சசிகலா அணியே வென்றது.
இதையடுத்து உண்மையான அதிமுக அணி நாங்கள் தான் என்று சொல்லிக் கொண்ட பன்னீர் செல்வம் அணி மீண்டும் தர்மம் வெல்லும் என்றே கூறி அமைதி காக்க தொடங்கினர். எம்எல்ஏக்கள் ஆதரவுடன் சசிகலா அணி நம்பிக்கை வாக்கெடுப்பில் வெற்றி பெற்றாலும் மக்கள் ஏற்றுக்கொள்ளவில்லை. சசிகலா ஆதரவு எம்எல்ஏக்கள் தொகுதிக்கே செல்லமுடியாத நிலை ஏற்பட்டுள்ளது என்பது வேறுகதை.
இதற்கிடையில் வரும் 24-ம் தேதி ஜெயலலிதாவின் பிறந்த நாள் அன்று தனது அரசியல் பிரவேசம் குறித்த முக்கிய முடிவை அறிவிக்கப் போவதாக ஏற்கனவே கூறியிருந்த தீபா, இபோது என்ன செய்வார், என்ன சொல்வார் என்ற எதிர்பார்ப்பு அவரது ஆதரவாளர்கள் மத்தியில் இருக்கிறது. ஆனாலும் தீபா புயலாய் புறப்பட்டு தமிழக அரசியலை புரட்டி போடுவார் என்று எதிர்பார்த்திருந்த தொண்டர்களுக்கு அந்த புயல் திசை திரும்பி இருக்கிறதோ, அல்லது வேகம் குறைந்து வலுவிழந்து விட்டதோ என்று எண்ணும் அளவுக்கு சூழல் மாறியிருக்கிறது என்பதான் உண்மை.

இதற்கிடையில், திமுக கையில் எடுத்துள்ள போராட்ட அலைகளுக்கு மத்தியில் தீபாவின் முடிவுகள் தமிழக அரசியலில் என்ன மாற்றத்தை கொண்டு வந்துவிட முடியும் என்ற சந்தேகமும் எழுந்துள்ளது. அதிகபட்சம் ஒரு  புதிய கட்சி ஒன்று உதயமாலாம். இந்த புதிய கட்சியில் தீபாவின் கரங்களுடன் ஓ பன்னீர் செல்வம் கரங்களும் இணைந்து செயல்படுமா அல்லது தீபா தனித்தே இயங்க போகிறாரா என்ற கேள்வியும் எழுந்துள்ளது.
அது வெறும் கேள்விக் குறியோடு நின்று விடாமல் ஓ. பன்னீர் செல்வத்துக்கான கோரிக்கையாகவும் முன் வைக்கப்பட்டுள்ளது. "தமிழக மக்கள் உங்கள் பின்னால் வர வேண்டும் என்றால் தீபாவை கழக பொதுச் செயலாளராக, தமிழக முதல்வாரக நீங்கள் முன்மொழிய வேண்டும்" என்று தீபா அம்மா பேரவை சார்பாக வேண்டுகோள் வைக்கப்பட்டுள்ளது. "அப்படி செய்தால் மட்டுமே நாங்கள் உங்கள் பின்னால் வருகிறோம் இல்லை என்றால் நாங்கள் உங்களுக்கு ஆதரவு தர மாட்டோம்" என்று 32 மாவட்ட அம்மா தீபா பேரவை தொண்டர்கள் தெரிவித்துள்ளனர். 
எதுவாயினும் ஏற்கனவே 234 தொகுதிகளுக்கு 50க்கும் மேற்பட்ட கட்சிகள் இருக்கின்றன. அத்தோடு இதுவும் ஒன்னா? அல்லது ஒன்றாவது இடத்துக்கானதா..? என்பதை காலம் தான் சொல்ல வேண்டும்.
ஏற்கனவே காலம் கனியும் என்றுதான் திமுகவில். மு.க.ஸ்டாலின், தேமுதிகவில் விஜயகாந்த், பா.ம.கவில் அன்புமணி, நாம் தமிழர் கட்சியில் சீமான், தேசிய கட்சியான பாஜக, காங்கிரஸ் போன்றோரும் காத்திருக்கிறார்கள் எது எப்படி ஆனாலும் மக்கள் தீர்ப்புதானே மகசேன் தீர்ப்பு.
Read more...

Tuesday, September 6, 2016

சீனாவில் ஜி. 20 நாடுகளின் உச்சி மாநாடு: முதலீட்டு கொள்கை உட்பட 6 முக்கிய ஒப்பந்தங்கள் கையெழுத்தாகும் என தகவல்

0 comments
சீனாவில் முதன் முறையாக ஜி. 20 நாடுகளின் உச்சி மாநாடு நடக்க உள்ளது. சீனாவின் இயற்கை எழில் நிறைந்த நகருமான ஹாங்சோவில்  நடக்கும் இம்மாநாட்டில் அமெரிக்க அதிபர் பராக் ஒபாமா, இந்திய பிரதமர் நரேந்திர மோடி, இங்கிலாந்து பிரதமர் தெரசாமே சீன பிரதமர் ஜி ஜின்பிங் உள்ளிட்ட உலக தலைவர்கள் பலரும் கலந்து கொள்ள உள்ளனர்.
உலகத் தலைவர்களின் வருகையை முன்னிட்டு ஹாங்சோ நகரம் முற்றிலுமாக மாறியிருக்கிறது. பூமியில் சொர்க்கம் இருப்பது போல பல மில்லியன் பவுண்டுகள் செலவழித்து புதுப் பொலிவு பெறச் செய்துள்ளனர். இம்மாதம் 4, மற்றும் 5ம் தேதிகளில் நடக்க உள்ள இம்மாநாட்டில் முதலீடுகள் மற்றும் வர்த்தகத்தை மட்டுமே விவாதிக்காமல் அவற்றையும் தாண்டி உலகம் எதிர்கொள்ளும் ஸ்திரமான வளர்ச்சி மற்றும் வறுமை ஒழிப்பு குறித்து இந்தியா விவாதிக்கும். மேலும் சில முக்கிய விஷயங்களை சீனா முன்னெடுத்து் செல்லும் என தெரிகிறது.
ஜி20 மாநாட்டில் 2030-ம் ஆண்டுக்குள் வறுமையை முற்றிலுமாக ஒழிக்க வேண்டும் என்ற தீர்மானத்தை இந்திய பிரதமர் நரேந்திர மோடி முன்னிறுத்துவார். இந்த இலக்கை எட்டுவதற்கு வர்த்தகமும் முதலீடுகளும் கருவிகளாக செயல்படும் என கூறப்படுகிறது. சீனாவில் உள்ள, ஷாங்காயில் நடக்கும் இம்மாநாடு சீனாவின் தலைமையில் நடைபெற உள்ளது. 

இதில் வளர்ச்சியடைந்த நாடுகள் மற்றும் வளரும் நாடுகள் கலந்துகொள்கின்றன. சூழல் பாதிப்பில்லாத எரிசக்தியைப் பெறுவது ஜி20 மாநாட்டில் பிரதானமாக இடம்பெறும் என்றாலும் கருப்புப் பணம் பதுக்கல் தொடர்பாக உறுப்பு நாடுகள் தகவல்களை பகிர்ந்து கொள்வது தொடர்பாக ஒப்பந்தம் செய்யப்பட உள்ளதாகவும் தெரிகிறது.  மேலும் இந்திய சீன கூட்டு ஒத்துழைப்பு, நல்லுறவை பேணுதல், போன்றவற்றிலும் கவனம் செலுத்தப்படும் என எதிர்ப்பார்க்கப்படுகிறது.
ஸென் யுவான்யாங் எனும் 45 வயது கம்யூனிஸ்ட் கட்சி தலைவர், மாநாடு குறித்து, பேசும் போது ஹாங்சோ நகரம் தற்போது முழுவதும் மாறிவிட்டது. நாங்கள் மிகவும் மகிழ்ச்சியாக இருக்கிறோம் என்று கூறியுள்ளார். சீன நாட்டின் வணிக அமைச்சகத்தின் செய்தித் தொடர்பாளர் ஷென் டான்யாங் இம்மாநாடு குறித்து கூறும் போது வர்த்தக மற்றும் முதலீட்டு கொள்கை உட்பட 6 முக்கிய ஒப்பந்தங்கள் கையெழுத்தாகும். இம்மாநாட்டுக்கு பின் சர்வதேச அளவில் ஜி.20 அமைப்பின் தகுதி நிலை உயரும் என நம்பிக்கை தெரிவித்தார். 

ஜி.20 உச்சி மாநாட்டின் சின்னம் சீன முத்திரையுடன் ஜி-20 2016 சீனா என்று எழுதப்பட்டு வெளியிடப்பட்டுள்ளது. இந்த சின்னத்த்தில் ஜி.20 நாடுகளின் உறவுப் பாலத்தை குறியீடாக காட்டுவது போல் 20 கோடுகள் கொண்டு பால போன்ற படம் வரையப்பட்டுள்ளது. ஜி-20 மாநாட்டின் பொருளாதாரம் சார்ந்த கூட்டம் நடக்கவிருக்கும் காரணத்தால், சீனமக்களுக்கான மேம்பாட்டு வளர்ச்சிகளிலும் அநாட்டு அரசு கவனம் செலுத்தியுள்ளது. மாநாடு நடைபெற உள்ள இடங்களைச் சுற்றி பாதுகாப்பு வளையங்கள் பலப்படுத்தப்பட்டுள்ளன. 
இந்த ஜி. 20 மாநாடின் மூலம் சர்வதேச சமூகத்தோடு சீன வலுவான உறவை பேணவும் சரவதேச வளர்ச்சிக்கு பரஸ்பர ஒத்துழைப்பை நேர்மையுடன் வழங்க விரும்புவதாகவும் தெரிவிக்கப்பட்டுள்ளது. சீனாவில் நடக்க உள்ள ஜி. 20 மாநாடு அங்குள்ள மக்களின் வாழ்க்கையில் பெரும் தாக்கத்தை ஏற்படுத்தியுள்ளது.  மாநாடு நடக்கும் ஹாங்சோவில் 9 மில்லியன் மக்கள் வசிப்பதாகவும்,
1 மில்லியன் உள்ளூர் வாசிகள், கடந்த டிசம்பரில் இருந்து பாதுகாப்பு மற்றும் விளம்பரம் தொடர்பான பணிகளில் தாமாக முன்வந்தது செயலாற்றியுள்ளனர். என்றும் நான்காயிரத்திற்கும் அதிக மாணவர்கள் வாரம் முழுவதும் ஜி 20 தொடர்பான நிகழ்வுகளிலில் தன்னார்வலர்கள்ளாக தங்களை இணைத்துக் கொண்டுள்ளனர் என்றும் தெரிவிக்கப்பட்டுள்ளது
கடந்த ஜி.20 உச்சி மாநாடுகள்
2008ம் ஆண்டு வாஷிங்டனிலும், 2009ல் லண்டனிலும், 2010ம் ஆண்டில் டொரண்டோவிலும், 2010ம் ஆண்டிலும், சியோலிலும், 2011ம் ஆண்டு பிரான்ஸ் நாட்டின் கேன்ஸ் நகரிலும், 2012ம் ஆண்டில் மெக்ஸி
கோவின் லாஸ் கேபாசிலும், நடந்தது. 2013ம் ஆண்டில் ரஷ்யாவின் பீட்டர்ஸ் பர்க் நகரிலும், 2014ம் ஆண்டு ஆஸ்திரேலியாவின் பிரிஸ்பேன் நகரிலும், 2015ம் ஆண்டு துருக்கி அன்டால்யா நகரில் நடந்தது. தற்போது முதன் முறையாக சீனாவில் நடைபெற உள்ளது.

கடந்த 2014ம் ஆண்டு ஆஸ்திரேலியாவின் பிரிஸ்பேன் நகரில் நடந்த மாநாட்டில் உலகளாவிய வளர்ச்சி,  வாழ்க்கைத் தரம், வேலைவாய்ப்பு போன்ற விஷயங்கள் முதன்மை நோக்கங்களாகக் கொள்ளப்பட்டன. வரும் 2018 ஆம் ஆண்டுக்குள் உறுப்பு நாடுகளுக்குள் குறைந்தது 2 சதவிகித பொருளாதார வளர்ச்சியை எட்டுவது குறித்து ஆராயப்பட்டது என்பது குறிப்பிடத்தக்கது.
Read more...
Related Posts Plugin for WordPress, Blogger...